Joqarı hám professional bilimlendiriw mákemelerine kiriw test sınaqlarında qatnasqan abiturientler búgin, 10-avgust kúni saat 23:59 ǵa shekem joqarı oqıw orınları hám tálim baǵdarların tańlawı kerek.

Belgilengen múddet juwmaqlanǵannan soń abiturientlerge tálim baǵdarların tańlaw hám maǵlıwmatlarǵa ózgeris kirgiziw imkaniyatı berilmeydi.

❗️Húrmetli abiturientler! Sizlerden saat 23:59 ǵa shekem joqarı oqıw orınları hám tálim baǵdarların tańlawıńızdı soraymız!

Bunıń ushın my.uzbmb.uz platformasınıń «Joqarı hám professional bilimlendiriw mákemelerine qabıllaw» bólimine kirip, «Xızmetten paydalanıw» túymesi basıladı hám «JOOnı tańlaw» bólimine ótiledi.

Dáslep abiturient «Tańlaw ústemligi» hám «Maqsetli qabıllaw» boyınsha óz tańlawın ámelge asıradı.

Bunnan soń abiturient test tapsırǵan pánler kompleksi hám oqıtıw tiline sáykes bolǵan besewge shekemgi bolǵan joqarı oqıw ornı hám tálim baǵdarın oqıtıw forması menen birge tańlaydı.

Bunda tálim baǵdarların bir joqarı oqıw ornı yamasa túrli joqarı oqıw orınları sheńberinde tańlaw múmkin.

Tálim baǵdarların tańlap, «Saqlaw» túymesi basılǵannan soń maǵlıwmatlardı tastıyıqlaw ushın abiturienttiń telefon nomerine SMS xabar jiberiledi. SMS xabardaǵı kodtı baǵdarlamaǵa kirgiziw arqalı maǵlıwmatlar tastıyıqlanadı.

Maǵlıwmatlar tastıyıqlanǵanınan soń «Abiturientti dizimge alıw beti» qáliplesedi. Dizimge alıw betinde abiturient tańlaǵan tańlaw ústemligi, oqıtıw formaları, joqarı oqıw orınları hám tálim baǵdarları sáwlelengen boladı. Júklep alıw túymesi arqalı abiturient dizimge alıw betin júklep alıwı múmkin.

Abiturientler tálim baǵdarların tańlaw múddeti juwmaqlanǵanǵa shekem óz maǵlıwmatların ózgertiwi hám dizimge alıw betin qayta júklep alıwı múmkin.

Abiturientlerdiń studentlikke usınıs etilgen yamasa etilmegeni haqqındaǵı juwmaqlawshı tańlaw nátiyjeleri tálim baǵdarların tańlaw tolıq juwmaqlanǵannan soń bir hápte múddette járiyalanadı.

©️NMPI baspasóz xızmeti.