«Miynet haqı, pensiyalar hám napaqalar muǵdarın arttırıw haqqında»ǵı Prezident pármanı (PF-108-sanlı, 12.08.2024-j.) qabıl etildi.

Párman tiykarında 2024-jıl 1-sentyabrden baslap pensiyalar hám napaqalar muǵdarı 15 procentke arttırıladı.

Bunda:

– pensiyanı esaplawdıń bazalıq muǵdarı – ayına 428 000 sum;

– jasqa baylanıslı eń kem pensiya muǵdarı – ayına 834 000 sum;

– mayıplıq pensiyalarınıń eń kem muǵdarı – ayına 920 000 sum etip belgilendi.

Sonday-aq, 2024-jıl 1-oktyabrden:

– byudjet shólkemlerinde isleytuǵın medicina xızmetkerleri, sonday-aq, mektepke shekemgi, ulıwma bilim beriw, orta arnawlı, professional hám mektepten tıs bilimlendiriw mákemeleri hám shólkemleri, «Múriwbet» internat úyleri, balalar hám mehribanlıq úyleri, balalar sanatoriyalarında isleytuǵın pedagog xızmetkerlerdiń miynet haqı muǵdarı – 15 procentke shekem arttırıladı;

– byudjet shólkemleri xızmetkerleriniń miynet haqı muǵdarı – 10 procentke arttırıladı;

– miynetke haqı tólewdiń eń kem muǵdarı – ayına 1 155 000 sum;

– bazalıq esaplaw muǵdarı – 375 000 sum etip belgilendi.

NMPI baspasóz xızmeti.