Búgin, 17-avgust kúni Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın dene mádeniyatı tálim baǵdarına sırt el hám mámleketlik emes joqarı oqıw orınlarınan oqıwdı kóshiriw boyınsha kásiplik (dóretiwshilik) imtixanı bolıp ótti.

Talabanlar 100 metr hám 1 000 metr aralıqqa juwırıw boyınsha ózleriniń fizikalıq imkaniyatların sınaqtan ótkerdi.

Oqıwdı kóshiriw ushın kásiplik (dóretiwshilik) imtixanı joqarı tájiriybege iye professor-oqıtıwshılar tárepinen alınıp, imtixannıń ádil túrde ótiwi instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi wákilleri tárepinen qadaǵalap barıldı.

Imtixan nátiyjeleri instituttıń rásmiy veb-saytı hám sociallıq tarmaqlardaǵı kanalları arqalı járiyalanadı.

NMPI baspasóz xızmeti.