Búgin, 22-avgust kúni Ájiniyaz atındaǵı Nókis mámleketlik pedagogikalıq institutında 2024-2025-oqıw jılı ushın texnikumlardı tabıslı tamamlaǵan pitkeriwshilerdi bakalavriat tálim baǵdarlarına oqıwǵa qabıllaw boyınsha sáwbet ótkeriw procesi baslandı.

Tastıyıqlanǵan kestege muwapıq, búgin bakalavriattıń mektepke shekemgi tálim baǵdarına sáwbet bolıp ótti.

Sáwbet procesine instituttıń tájiriybeli professor-oqıtıwshıları menen birgelikte tarawda jemisli miynet etip atırǵan pedagoglar biriktirilip, talabanlardıń tayarlıǵı múnásip bahalandı.

Sonday-aq, processtiń ádil túrde, ashıq-aydın ótiwi instituttıń korrupciyaǵa qarsı gúresiw «Komplaens-qadaǵalaw» sistemasın basqarıw bólimi juwapkerleri tárepinen qadaǵalap barıldı.

Esletip ótemiz, erteń, 23-avgust kúni belgilengen keste tiykarında bakalavriattıń dene mádeniyatı tálim baǵdarına qabıllaw ushın sáwbet bolıp ótedi.

Eskertiw: Abiturient sáwbetke ózi menen birge puqaralıq pasportı (ID-karta), texnikumdı pitkergenligi haqqındaǵı hújjet hám onıń qosımshasın alıp keliwi shárt. Belgilengen waqıttan keshikken abiturientler ushın qayta sáwbet ótkerilmeydi.

Sáwbet Ózbekstan Respublikası Ministrler Kabinetiniń 2022-jıl 11-yanvardaǵı «Texnikumlardı tabıslı juwmaqlaǵan pitkeriwshilerdi joqarı oqıw orınlarınıń bakalavriat tálim baǵdarlarına sáwbet tiykarında oqıwǵa qabıllaw tártibi haqqındaǵı rejeni tastıyıqlaw haqqında»ǵı 17-sanlı qararı tiykarında ótkeriledi.

NMPI baspasóz xızmeti.