Búgin, 10-sentyabr kúni Ájiniyaz atındaǵı Nókis mámleketlik pedagogikalıq institutında baslanıp atırǵan jańa oqıw jılında jaslar tárbiyasınıń áhmiyetli máseleleri boyınsha alda turǵan wazıypalarǵa arnalǵan májilis bolıp ótti.

Ilajǵa institut rektorınıń másláhátshisi Ǵ.Ibadullaev, fakultet dekanlarınıń jaslar menen islesiw boyınsha orınbasarları, hayal-qızlar máseleleri boyınsha másláhátshileri, tyutorlar, profilaktikalıq inspektorlar, psixolog, studentler turaq jaylarınıń pedagog-tárbiyashıları hám tiyisli juwapkerler qatnastı.

Májilisti institut rektorı wazıypasın waqıtsha atqarıwshısı Q.Qodirov basqarıp bardı.

Kún tártibine muwapıq, jańa oqıw jılında jaslardı sociallıq jaqtan qollap-quwatlaw, olardıń bos waqıtların mazmunlı ótkeriw, oqıwı, bilim alıwı, qábiletlerin jetilistirip barıwı ushın sharayatlar jaratıw, olardıń huqıqıy mádeniyatın, bilim hám kónlikpelerin arttırıw hám usı sıyaqlı jaslar tálim-tárbiyasınıń áhmiyetli máseleleri baǵdarında ámelge asırılatuǵın jumıslar belgilep alınıp, juwapkerlerge tiyisli tapsırmalar berildi.

NMPI baspasóz xızmeti.