Ájiniyaz atındaǵı Nókis mámleketlik pedagogikalıq institutında 2024-2025-oqıw jılında studentlikke usınıs etilgen jaslar ushın tanıstırıw hápteligi dawam etpekte.

Búgin, 11-sentyabr kúni institut jaslar awqamı baslanǵısh shólkeminiń jetekshisi Bayrambay Gúlimbetov 1-kursqa qabıl etilgen studentlerge institutta jaratılǵan sharayatlardı tanıstırdı.

Atap aytqanda, jańadan paydalanıwǵa tapsırılǵan oqıw imaratındaǵı lekciya hám oqıw auditoriyaları, IT-inkubaciya hám málimleme-resurs orayları, registrator ofisi, laboratoriyalar, sonday-aq, sport zalları, studentler turaq jaylarında jaslardıń bos waqıtların mazmunlı ótkeriwi, óz qábiletlerin jetilistirip barıwı ushın jaratılǵan imkaniyatlar menen tanıstırıp, qosımsha sharayatlar haqqında maǵlıwmatlar berdi.

Institutta 1-kurs studentleri ushın tanıstırıw hápteligi dawam etpekte.

NMPI baspasóz xızmeti.