Usı jıldıń 11-12-sentyabr kúnleri Ájiniyaz atındaǵı Nókis mámleketlik pedagogikalıq institutında sociallıq-ruwxıy ortalıqtı salamatlastırıw, diniy keńpeyillik hám milletler aralıq tatıwlıqtı bekkemlew, bilimlendiriw mákemelerindegi studentlerdiń ishki tártip hám ádep-ikramlılıq qaǵıydalarına tolıq ámel etiwi, sonday-aq, jaslar arasında radikalizmniń aldın alıw jáne hayal-qızlar ushın úrp-ádet hám qádiriyatlarǵa sáykes milliy kiyimlerdiń zamanagóy formaların jaratıw máselelerine arnalǵan seminar bolıp ótti.

Seminarǵa Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń hayal-qızlar máseleleri boyınsha jetekshi qánigesi X.Ibrayımova, usı basqarmanıń bas qánigesi X.Nezamatov, respublikalıq úgit-násiyat toparınıń aǵzası, filologiya ilimleri boyınsha filosofiya doktorı, docent Q.Mámbetov, institut rektorınıń másláhátshileri Ǵ.Ibadullaev hám S.Bekchanova, fakultet dekanlarınıń hayal-qızlar máseleleri boyınsha másláhátshileri hám tyutorlar qatnastı.

Seminarda jaslar tálim-tárbiyasınıń áhmiyetli máseleleri haqqında sóz etilip, aldaǵı waqıtta birgelikte ámelge asırılatuǵın jumıslar dodalandı hám wazıypalar belgilep alındı.

NMPI baspasóz xızmeti.