Qaraqalpaq mámleketlik pedagogika institutınıń fizika – matematika fakul’teti quramınan 1961 – jılı «Sanaat islep shıǵarıwı hám tiykarları» kafedrası shólkemlestirilip, kafedranı aǵa oqıtıwshı A. Nurımbetov basqardı. Sol jıllardan baslap kafedranıń materiallıq bazasın jaqsılaw maqsetinde ustaxanalar shólkemlestirildi. Ustaxanalar sol dáwir talabına sáykes keletuǵın aǵashqa islew beriwshi stanoklar, metallarǵa islew, kesiwshi, jonıwshı, tesiwshi hám rezba shıǵarıwshı stanoklar hám basqada úskeneler menen toltırıldı. 1965-jıldan baslap usı kafedranı t.i.k. A. Nurmanov basqardı. Usı jılı kafedra joqarı kategoriyalı professor-oqıtıwshılar menen tolıqtırıldı. Olardan B. Usenov, M. Embergenov hám J.Qayıpnazarovlar edi. 1970-jıldan baslap kafedranı f -m.i.k. J.Qayıpnazarov basqardı. Sol jılları kafedraǵa tájriybeli professor-oqıtıwshılardan N.P. Shiryaev, B. Usenov, Yu.Masharipov, M.Embergenov, A.Romanovlar talaba jaslarǵa tálim-tárbiya berdi. Jıldan jılǵa kafedraǵa tiyisli laboratoriya kabinetle rini ń materiallıq-texnikalıq bazası tolı qtırılıp barıldı. 1990-1991-oqıw jılı Qaraqalpaq mámleketlik universitetinen Nókis mámleketlik pedagogik a institutı ajıralıp, qayta shólkemlestirildi hám injener-pedagogika fakul’teti quramınan «Fizika hám miynetke úyretiw» kafedrası dúzilip, oǵan f -m.i.k. Q.Palwanov basshılıq etti. Kafedraǵa tiyisli «Miynet», «Miynet-fizika», «Miynet-informatika», «Miynet hám súwretlew óneri», «Miynet hám kásipke baǵdarlaw», «Miynet hám awıl xojalıǵı mexanizaciyası» baǵdarları boyınsha qánigeler tayarlay baslandı . Sol jılı Qaraqalpaqstan Respublikası Joqarı Keńesi menen Ministrler Keńesiniń ruxsatı menen Tórtkul g úzarı boyındaǵı bina injener-pedagogika fakul’tetine berildi. Tez kúnlerde rekonstrukciya jumısları alıp barıldı hám laboratoriya kabinetleri áspab-úskeneler menen támiyinlendi. 1992-jılı «Fizika hám miynetke úyretiw» kafedrası quramınan «Ulıwma texnika pánleri» kafedrası ajıralıp shıqtı, oǵan f -m.i.k. A.Jumamuratov basshılıq etti. Usı jılları oqıtıwda teoriya hám ámeliyat birligin támiyinlew maqsetinde jańadan «Materialtanıw», «Awıl-xojalıǵı mashinaları», «Aǵashqa islew beriw», «Metallarǵa islew beriw», «Tigiwshilik» ustaxana ları, «Elektrotexnika hám radiotexnika», « P ázendeshilik» laboratoriyaları shólkemlestirildi. Ó zbekstan Respublikası pánler akedemiyas ı yadro fizikası institutına maqsetli aspiranturaǵa B. Ibragimov 1996-jılı oqıwǵa jiberildi hám 2001-jılı kandidatlıq dissertaciyasın jaqlap, texnika ilimleri kandidatı ilimiy dárejesine iye boldı. Bul jıl dawamında kafedraǵa tiyisli bolǵan laboratoriyalar keyingi modeldegi stanoklar, maketler, ólshew ásbaplar hám zárúr ásbap-úskeneler menen tolıqtırıldı, materiallıq-texnikalıq baza bayıtıp barıldı. 1992-1998-oqıw jılı kafedranı t.i.k. M. Arzuov basqarıp, usı jıllarda «Ózbekistan Respublikası awıl-xojalıǵın mexanizaciyalastırıw hám elektrofikaciyalaw ilimiy izertlew» institutına maqsetli aspiranturaǵa kafedra assistent-oqıtıwshısı B.Utepbergenov oqıwǵa jiberildi hám 2002-jılı t.i.k. ilimiy dárejesin aldı. 2001-2005-jıllarda kafedranı t.i.k. docent N.Saparniyazov , 2006 – 2013 – jıllarda doc ent. B.Avezov lar basqardı. 2013-jıl noyabr’ ayınan baslap t.i.k. doc. B. Ibragimov kafedra nı basqarıp kelmekte. Házirgi waqıtta kafedra «Miynet tálimi» hám  «Kásiplik tálim » (Dizayn) baǵdarı bakalavr lardı tayarlamaqda. Bul baǵdarlarda házirgi kúnde 255 talaba bilim almaqda. Házirgi zaman talabı dárejesinde talabalar tereń bilim alıwları ushın kafedrada 4 oqıw ustaxana, 2 laboratoriya hám 2 pán kabinetleri shólkemlestirildi. Kafedraǵa tiyisli barlıq pánlerden oqıw metodikalıq kompleksler, modul’ sisteması, prezentaciyalar tayarlanıp, jańa pedagogikalıq texnologiyalar tiykarında talabalarǵa bilim berilmekde. 2017-2018-oqıw jılında kafedra ulıwma júklemesi – 15360 saattı quraydı. Kafedrada tiykarǵı shtatta – 15, qosımsha shtatta– 3 professor-oqıtıwshı iskerlik júritpekte. Búgingi kúnde kafedrada 1 ilim doktorı, 3 ilim kandidatı hám docentler, 7 aǵa oqıtıwshı hám 4 assistent oqıtıwshılar jumıs alıp barmaqta. Kafedra ilimiy potenciyalın – 29 procentti quraydı. Kafedrada professor-oqıtıwshıları tárepinen sońǵı 5 jıllıqta baspadan shıqqan ilimiy jumıslar:

1. Oqıw qollanbalar sanı – 2;
2. Metodikalıq qollanbalar sanı – 8;
3. Racionalizatorlıq patentler sanı – 3;

2017 – jılda kafedra docenti B.Dauletmuratov doktorlıq dissertaciyasın qorǵap, texnika ilimleri doktorı ilimiy dárejesine iye boldı. 2015-2016 – oqıw jılda Miynet tálimi baǵdarı talabası S.Amaniyazova “Yosh tadbirkor – yurtga madadkor” kórik tańlawı Respublika basqıshında 1-orındı iyeledi; 2016-2017 – oqıw jılında 2 talaba “Ájiniyaz” atındaǵı mámleketlik stipendiyatı; 2017-2018 – oqıw jılında 1 talaba “I.Karimov” atındaǵı mámleketlik stipendiatı bolıwǵa eristi.