Ájiniyaz atındaǵı Nókis mámleketlik pedagogikalıq institutında usı jıldıń 20-sentyabr kúninen baslap «Bes baslama olimpiadası» sport jarıslarınıń birinshi – fakultetlerdegi toparlar arasındaǵı basqıshı dawam etpekte.

Belgilengen keste tiykarında studentler arasında sporttıń jeńil atletika, stol tennisi, stritbol, mini futbol hám voleybol túrleri boyınsha jarıslar ótkerilmekte.

Maǵlıwmat ornında atap ótiw kerek, jarıstıń birinshi basqıshı usı jıldıń 30-sentyabr kúnine shekem dawam etedi.

Birinshi basqıshta jeńimpaz bolǵan studentler jarıstıń ekinshi – institut basqıshına jollamanı qolǵa kirgizedi.

NMPI baspasóz xızmeti.