Xabarıńız bar, bıyıl qaraqalpaq klassikalıq ádebiyatınıń kórnekli wákili, belgili shayır babamız Ájiniyaz Qosıbay ulınıń 200 jıllıǵın xalıqaralıq kólemde keń túrde belgilew, sonıń menen birge, Qaraqalpaqstan Respublikasındaǵı tuńǵısh joqarı oqıw ornı esaplanǵan Ájiniyaz atındaǵı Nókis mámleketlik pedagogikalıq institutınıń 90 jıllıǵın joqarı shólkemleskenlik penen ótkeriw boyınsha keń kólemli jumıslar ámelge asırılmaqta.

Usı baǵdardaǵı islenip atırǵan jumıslardı xalqımızǵa jetkerip beriw maqsetinde Nókis mámleketlik pedagogikalıq institutı tárepinen ǵalaba xabar quralları menen tıǵız birge islesiw jolǵa qoyılǵan.

Atap aytqanda, institutta «Ózbekstan» teleradiokanalınıń «Shańaraq» kórsetiwi, sonday-aq, «Qaraqalpaqstan» telekanalınıń «Nókis hám nókisliler» kórsetiwi dóretiwshi topar aǵzaları menen baspasóz konferenciyası hám media-tur shólkemlestirildi.

Media ilajda jurnalistlerge mámleketimizde sońǵı jıllarda ilimiy-pedagogikalıq baǵdarda ámelge asırılıp atırǵan keń kólemli reformalar, olardıń nátiyjeleri, institut professor-oqıtıwshıları, student-jasları hám miynet jámááti tárepinen qolǵa kirgizilip atırǵan nátiyjeler, joqarıda atap ótilgen yubiley sánelerine kórilip atırǵan tayarlıqlar tuwralı maǵlıwmatlar berilip, kórsetiwlerdiń arnawlı sanları tayarlandı.

NMPI baspasóz xızmeti.