Ájiniyaz atındaǵı Nókis mámleketlik pedagogikalıq institutı rektoratı hám kásiplik awqamı komiteti arasında dúzilgen jámáátlik shártnama tiykarında 1-oktyabr – Muǵallimler hám ustazlar kúni múnásibeti menen institutta jumıs islep atırǵan professor-oqıtıwshılar, ustaz pedagoglar hám taraw xızmetkerleri ushın bayram dasturqanı jayıldı.

Bayram ilajında institut rektorı wazıypasın waqıtsha atqarıwshısı Quvondiq Qodirov, professorlar Qutlımurat Qoshanov hám Barlıqbay Prenovlar sózge shıǵıp, barlıq qatnasıwshılardı bayram menen qutlıqladı hám aldaǵı jumıslarında tabıslar tiledi.

Ilajda ilimiy-pedagogikalıq hám jámiyetlik jumıslarda ayrıqsha belsendilik kórsetip kiyatırǵan bir topar pidayı pedagog-ustazlarǵa institut rektoratı atınan minnetdarshılıq xatları tapsırıldı.

Bayram ilajı instituttıń talantlı studentleri atqarıwındaǵı koncert baǵdarlaması menen dawam etti.

NMPI baspasóz xızmeti.