Qaraqalpaqstan Respublikası Ministrler Keńesinde 1-oktyabr – Muǵallimler hám ustazlar kúni múnásibeti menen joqarı bilimlendiriw tarawınıń pidayıların sıylıqlaw ilajı bolıp ótti.

Ilajda Qaraqalpaqstan Respublikası Ministrler Keńesi Baslıǵınıń orınbasarı Bayrambay Otemuratov sózge shıǵıp, jıynalǵanlardı ulıwma xalıqlıq bayram menen qutlıqladı hám ilimiy-pedagogikalıq jumıslarında tabıslar tiledi.

Ilajda elimizdiń erteńgi keleshegi bolǵan jas áwladtı hár tárepleme bilimli, kámil insanlar etip tárbiyalawdaǵı nátiyjeli miynetleri hám pidayılıq úlgileri, bilimlendiriw tarawında ámelge asırılıp atırǵan reformalarǵa qosıp atırǵan múnásip úlesleri, óz kásibine bolǵan ayrıqsha miyrimi hám úlken juwapkershiligi ushın Ájiniyaz atındaǵı Nókis mámleketlik pedagogikalıq institutı rektorı wazıypasın waqıtsha atqarıwshısı Qodirov Quvondiq Ayitbaevich, sonday-aq, professorlar Pazılov Arzı Kenjebaevich, Pirniyazova Alima Qudiyarovna, Utebaev Tájibay Tilewmuratovich hám Qurbaniyazova Zamira Qalbaevnalarǵa Ministrler Keńesi Baslıǵınıń húrmet jarlıqları tapsırıldı.

NMPI baspasóz xızmeti.