Ózbekstan Respublikası Joqarı bilimlendiriw, ilim hám innovaciyalar ministrligi tárepinen «Seniń baslamań – seniń keleshegiń ushın» súreni tiykarında «Qızlarjan» klubınıń respublikalıq forumı shólkemlestirildi.

Ilajǵa respublikadaǵı barlıq joqarı oqıw orınları qatarında Ájiniyaz atındaǵı Nókis mámleketlik pedagogikalıq institutı Hayal-qızlar másláhát keńesiniń baslıǵı Sayyora Bekchanova hám institut «Qızlarjan» klubınıń baslıǵı, muzıkalıq tálim kafedrasınıń stajyor-oqıtıwshısı Erkinay Orınbaeva da qatnastı.

Forumda Joqarı bilimlendiriw, ilim hám innovaciyalar ministri Qońıratbay Sharipov qatnasıp, forum qatnasıwshıların qutlıqladı hám elimizde hayal-qızlarǵa múnásip sharayatlar jaratıw baǵdarında ámelge asırılıp atırǵan keń kólemli jumıslar haqqında aytıp ótti.

Forum sheńberinde birqatar mádeniy ilajlar hám ushırasıwlar ótkerildi.

NMPI baspasóz xızmeti.