Ájiniyaz atındaǵı Nókis mámleketlik pedagogikalıq institutı rektorınıń másláhátshisi Ǵ.Ibadullaev, bilimlendiriw sapasın qadaǵalaw bólimi baslıǵı E.Asamaddinov hám korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı B.Asqarovlar tárepinen barlıq fakultetler kesiminde 1-kurs studentleri menen ushırasıwlar shólkemlestirilmekte.

Fizika-matematika, Tariyx, Shet tilleri hám Dene mádeniyatı fakultetlerinde ótkerilgen usınday ushırasıwlarda jaslar tálim-tárbiyasınıń áhmiyetli máseleleri, sonday-aq, korrupciyalıq jaǵdaylardıń aldın alıw boyınsha úgit-násiyat jumısları alıp barıldı.

Ushırasıwlar barısında studentlerge sociallıq-ruwxıy ortalıqtı salamatlastırıw, diniy keńpeyillik hám milletler aralıq tatıwlıqtı bekkemlew, studentlerdiń ishki tártip hám ádep-ikramlılıq qaǵıydalarına tolıq ámel etiwi haqqında aytıp ótilip, kiyiniw mádeniyatına ámel etiwi kerekligi, hár qıylı diniy jat ideyalar aǵımına túsip qalıwdıń aldın alıw maqsetinde bos waqıtlarınan únemli paydalanıwı, oqıw procesi, sonday-aq, basqa jaǵdaylarda korrupciyalıq jaǵdaylardıń aldın alıw, jámiyetshilik arasında korrupciyaǵa bolǵan mawasasızlıq ruwxın qáliplestiriw maqsetinde bólimniń isenim telefon nomerleri, Telegram tarmaǵında bot mánzili islep turǵanlıǵı, birgelikte jámiyetlik qadaǵalawdı alıp barıwdıń áhmiyeti boyınsha pikir almasıldı.

Úgit-násiyat ilajları dawamında studentler ózlerin qızıqtırǵan sorawlarına juwapların aldı.

Usı baǵdardaǵı ushırasıwlar barlıq fakultetler kesiminde dawam etpekte.