Ájiniyaz atındaǵı Nókis mámleketlik pedagogikalıq institutında málimleme texnologiyaları dáwirinde kiberqáwipsizlikti támiyinlewge baǵdarlanǵan oqıw-seminarı bolıp ótti.

Seminarǵa «Ózkomnazorat» inspekciyası Qaraqalpaqstan Respublikası aymaqlıq bóliminiń sanlı texnologiyalardı engiziw hám málimleme qáwipsizligin qadaǵalaw boyınsha birinshi kategoriyalı qánigesi R.Axımbetov qatnasıp, dúnyada málimleme texnologiyalarınıń rawajlanıwı, global málimlemelestiriw hám kompyuterlestiriw dáwirinde sanlı texnologiyalardıń ǵalabalasıwı menen usı tarawda málimleme qáwipsizligine qáwip salıp atırǵan huqıqbuzarlıqlardıń sanı da artıp atırǵanın, kiberjınayatlarǵa qarsı gúresiw hám málimleme qáwipsizligin támiyinlewdiń áhmiyeti haqqında maǵlıwmatlar berdi.

Ilajda instituttıń málimleme qáwipsizligi boyınsha juwapker qánigeleri menen pikir almasılıp, aldaǵı birgelikte islenetuǵın jumıslar belgilep alındı.

Seminarda studentler ózlerin qızıqtırǵan sorawlarǵa juwap aldı.

NMPI baspasóz xızmeti.