11-noyabr – Ózbekstan kásiplik awqamları kúni bayramı múnásibeti menen Ózbekstan bilimlendiriw hám ilim tarawı xızmetkerleri kásiplik awqamı Respublikalıq keńesi tárepinen Nókis qalasında ushırasıw shólkemlestirildi.

Ushırasıwǵa respublikamızdaǵı barlıq ilim hám bilimlendiriw tarawınıń pidayı xızmetkerleri, ustaz-pedagoglar, belsendi qánigeler qatnastı.

Ilajda Respublikalıq keńestiń baslıǵı R.Bedilov sózge shıǵıp, barlıq qatnasıwshılardı jaqınlasıp kiyatırǵan Ózbekstan kásiplik awqamları kúni bayramı menen qutlıqladı.

Tarawda kóp jıllardan berli nátiyjeli jumıs islep atırǵan pidayı qánigeler qatarında Ájiniyaz atındaǵı Nókis mámleketlik pedagogikalıq institutı aǵa yuristkonsultı Baxtıgúl Arzievanıń xızmetleri ayrıqsha atap ótilip, bayram sawǵası tapsırıldı.

NMPI baspasóz xızmeti.