Ájiniyaz atındaǵı Nókis mámleketlik pedagogikalıq institutında korrupciyaǵa qarsı gúresiw baǵdarında profilaktikalıq jumıslardı ele de kúsheytiw, student-jaslardıń korrupciyalıq jaǵdaylardıń aqıbetleri boyınsha bilim hám kónlikpelerin arttırıw maqsetinde instituttıń korrupciyaǵa qarsı gúresiw «Komplaens qadaǵalaw» sistemasın basqarıw bólimi tárepinen «Antikorrupciya bilimdanı» atamasındaǵı tańlaw shólkemlestirildi.

Tańlawǵa Fizika-matematika, Tariyx, Dene mádeniyatı, Tábiyiy pánler, Mektepke shekemgi tálim hám Baslawısh tálim fakultetleriniń komandaları qatnastı.

Tańlawda qatnasıwshılar belgilengen shártler tiykarında korrupciyaǵa qarsı gúresiw baǵdarında ózleriniń iyelegen bilimleri hám ziyrekligin kórsetiwge háreket etti.

Tańlaw juwmaǵında:

1-orındı – Tariyx fakultetiniń «Ádillik aynası»;
2-orındı – Mektepke shekemgi tálim fakultetiniń «Adolat ovozi»;
3-orındı – Fizika-matematika fakultetiniń «Adolat jamoasi» komandaları iyeledi.

Jeńimpazlar hám sıylı orınlardı iyelegen komandalardıń aǵzaları diplom hám estelik sawǵaları menen sıylıqlandı.

NMPI baspasóz xızmeti.