Paytaxtımız Nókis qalasındaǵı «Aqquw» kompleksinde jaylasqan Qaraúyde qaraqalpaq ádebiyatınıń kórnekli wákili Ájiniyaz Qosıbay ulınıń 200 jıllıǵına arnalǵan xalıqaralıq ilimiy-teoriyalıq konferenciya hám kórkem-ádebiy keshede birqatar ilimpazlar hám jámiyetlik ǵayratkerler Qaraqalpaqstan Respublikası Joqarǵı Keńesi tárepinen sıylıqlandı.

Quwanıshlısı, olar arasında Ájiniyaz atındaǵı Nókis mámleketlik pedagogikalıq institutı qaraqalpaq ádebiyatı kafedrasınıń doktorantı, docent Qabıl Mámbetov Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlandı.

Qabıl Mámbetovtı institutımız rektoratı hám miynet jámááti atınan tabısları menen shın júrekten qutlıqlap, aldaǵı ilimiy-pedagogikalıq jumıslarında tabıslar tileymiz!

NMPI baspasóz xızmeti.