Ájiniyaz atındaǵı Nókis mámleketlik pedagogikalıq institutı málimleme-resurs orayında Ózbekstan Respublikası Konstituciyası qabıl etilgeniniń 32 jıllıǵı ¬múnásibeti menen «Konstituciya – abadan turmısımızdıń tiykarı» atamasındaǵı ushırasıw keshesi bolıp ótti.

Ushırasıwǵa málimleme-resurs orayınıń bólim baslıǵı R.Amanbaeva, milliy ideya, ruwxıylıq tiykarları hám huqıq tálimi kafedrasınıń docenti T.Xudaybergenova, Mektepke shekemgi tálim fakultetiniń tyutorları hám studentleri qatnastı.

Ilajda sózge shıqqanlar tárepinen atap ótilgenindey, konstituciyada tiykarǵı itibar insan hám onıń huqıqları jáne erkinlikleri, yaǵnıy Ózbekstan Respublikasınıń hár bir puqarasına jeke huqıq hám erkinlikler, siyasiy hám sociallıq-ekonomikalıq huqıqlardıń kepillikleri támiyinlendi.

Elimizde nızam ústinligin támiyinlew arqalı puqaralıq jámiyetin qurıw, bunıń ushın xalqımızdıń huqıqıy mádeniyatın arttırıw, xalqımızdıń búgingi ómirden razı bolıp jasawı ushın olarǵa múnásip turmıs sharayatların jaratıp beriw baǵdarında sońǵı jıllardaǵı alıp barılıp atırǵan jumıslar ayrıqsha atap ótildi.

Ushırasıw soraw-juwaplar hám pikir almasıwlar menen dawam etti.

NMPI baspasóz xızmeti.