Xabarıńız bar, usı jıldıń 20-dekabr kúninen baslap paytaxtımız Nókis qalasındaǵı «Xalıqlar doslıǵı» maydanında jańa jıl bas shırshası átirapında bayram tamashaları baslanıp ketti.

Bul jerde hár kúni xalqımız ushın kewilashar hám koncert baǵdarlamaları shólkemlestirilip, adamlarǵa jana jıl bayram keypiyatın inám etpekte.

Usınday bayram ilajlarında Ájiniyaz atındaǵı Nókis mámleketlik pedagogikalıq institutınıń belsendi student-jasları hám miynet jámááti aǵzaları da belsene qatnaspaqta.

Jıl dawamında ilimiy-pedagogikalıq hám jámiyetlik jumıslarda joqarı nátiyjelerge erisken usınday pidayı jaslar hám xızmetkerler «Xalıqlar doslıǵı» maydanında shólkemlestirilgen bayram ilajında sıylıqlandı.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı wazıypasın waqıtsha atqarıwshısı Qarjawbay Reymov qatnasıp, bayram qatnasıwshıların institut rektoratı hám jámááti atınan qutlıqladı.

NMPI baspasóz xızmeti.