Germaniya Federativ Respublikası Drezden texnikalıq universiteti hám Ájiniyaz atındaǵı Nókis mámleketlik pedagogikalıq institutı arasındaǵı studentlerdiń pedagogikalıq ámeliyat mobil almasıwı haqqındaǵı shártnama boyınsha «Erasmus+» joybarı sheńberinde institutımızǵa kelgen germaniyalı studentler Ellen Kremer hám Annika Yuliya Suker pedagogikalıq ámeliyatın Nókis qalasında jaylasqan 1-sanlı qánigelestiriligen mektepte ótti.

Germaniyalı studentler Ellen Kremer hám Annika Yuliya Suker mektep muǵalimleri hám oqıwshılarına ózleriniń tayarlap kelgen prezentaciyasında Germaniya mámleketiniń mádeniyatı, dástúrleri hám bilimlendiriw sisteması menen tanıstırdı.

Gyote institutı wákili Simon Kretschmer, «SOS» joybarınıń aǵzası Anna-Maria Bischof, «Erasmus+» joybarı koordinatorı, instituttıń Shet tilleri fakulteti fakultetler aralıq shet tilleri kafedrası oqıtıwshısı A.Narshabaeva, studentler Ellen Kremer hám Annika Yuliya Suker mektep direktorı G.Abdirova baslaması menen nemis tili páni oqıtıwshıları tayarlaǵan «DeutschFestival» atamasındaǵı keshege qatnastı.