Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Joqarı bilimlendiriw sisteması kadrların qayta tayarlaw hám qánigeligin arttırıw institutı tárepinen joqarı oqıw orınlarında jumıs islep atırǵan Málimleme-resurs oraylarınıń qánigeleri ushın «Málimleme-kitapxana jumısları» baǵdarı boyınsha 72 saatqa mólsherlengen arnawlı qánigelikti arttırıw kursında oqıp kelgen Ájiniyaz atındaǵı Nókis mámleketlik pedagogikalıq institutı málimleme-resurs orayı xızmetkerleri Zlixa Qaynarova, Zulfiya Saparniyazova, Gúlrux Imamatdinova tárepinen oraydıń barlıq qánigeleri ushın seminar-trening shólkemlestirildi.

Seminarda qatnasıwshılar paydalanıwshılar menen islesiw, kitapqumarlıq mádeniyatın arttırıw, bibliografiyalıq jumıslar, baǵdarlama boyınsha jumıs úyreniw, elektron kitapxananı shólkemlestiriw, basqarıw, avtomatlastırıw, nızam hújjetleri tiykarında xızmet kórsetiw boyınsha jańa kónlikpelerge iye boldı.