Búgin, 8-yanvar kúni Ájiniyaz atındaǵı Nókis mámleketlik pedagogikalıq institutında Fizika-matematika fakulteti hám ondaǵı kafedralardıń 2025-jılda joqarı tájiriybeli kadrlar tayarlaw sistemasın túp-tiykarınan jetilistiriw, oqıw procesi, ilimiy potencial, ruwxıy-aǵartıwshılıq hám tárbiyalıq jumıslardı rawajlandırıw boyınsha «Jol kartası»n dodalawǵa arnalǵan májilis bolıp ótti.

Ilajǵa institut rektorı Q.Qodirov, barlıq prorektorlar, bilimlendiriw sapasın qadaǵalaw bóliminiń wákilleri hám fakultettiń pedagogikalıq jámááti qatnastı.

Májiliste dáslep kafedralardıń baslıqları kún tártibindegi tiykarǵı másele boyınsha prezentaciyaların qatnasıwshılar názerine usındı.

Prezentaciyalarda ótken 2024-jılda ámelge asırılǵan jumıslar hám olardıń nátiyjeleri, sonıń menen birge, baslanıp atırǵan 2025-jılda islenetuǵın jumıslar, baslı wazıypalar atap ótilgen bolıp, kafedra baslıqlar hár bir kórsetkish boyınsha usınısların bildirdi.

Májilis sońında institut rektorı hám barlıq prorektorlar sózge shıǵıp, fakultette iilmiy-pedagogikalıq jáne tálim-tárbiya jumısların sapalıq jaqtan jańa basqıshqa kóteriw boyınsha juwapkerlerge tiyisli tapsırmalar berdi.

NMPI baspasóz xızmeti.