Aldın xabar bergenimizdey, búgin, 9-yanvar kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov Ellikqala pedagogika fakultetinde boldı.

Studentler menen sáwbetlesiwden soń rektor fakultettiń studentler turaq jayına barıp, ol jerdegi jaslardıń jasawı, oqıwdan tıs waqıtların mazmunlı ótkeriwi, demalıwı ushın jaratılǵan sharayatlardı kózden ótkerdi.

Jataqxanada házirgi waqıtta 200 ge shamalas jaslar jasap atırǵan bolıp, bul jerde studentler ushın barlıq sharayatlar jaratılǵan.

Institut rektorı bul jerde jaslar menen sáwbetlesip, olardıń mashqalaların úyrendi hám pikir-usınısların tıńladı.

Rektordıń bunnan aldınǵı usı jerge kelgen waqtında studentler tárepinen bildirilgen usınısları tiykarında jataqxana ushın zamanagóy televizor sawǵa etildi.

Sonıń menen birge, fakultettiń súwretlew óneri hám injenerlik grafikası tálim baǵdarı studentleri ushın arnawlı oqıw-óndirislik quralları tapsırıldı.

Jataqxanada studentler tárepinen bildirilgen usınıslar tiykarında ámelge asırılatuǵın jumıslar boyınsha juwapkerlerge tiyisli tapsırmalar berildi.

NMPI baspasóz xızmeti.