Búgin, 13-yanvar kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov Tábiyiy pánler fakultetinde bolıp, bul jerde studentlerdiń teoriyalıq bilimlerin bekkemlew maqsetinde jumıs alıp barıp atırǵan oqıw laboratoriyaları, sonıń menen birge, professor-oqıtıwshılar, doktorantlar, magistrantlar hám ilimiy-izertlew jumısları menen shuǵıllanıp atırǵan ilimpazlar ushın shólkemlestirilgen ilimiy laboratoriyalardıń jumısları menen tanıstı.

Ilajǵa oqıw isleri hám qarjı ekonomika boyınsha prorektorlar, fakultet basshıları hám kafedra baslıqları qatnastı.

Fakultettegi ximiyalıq analizdiń ilimiy-eksperimental laboratoriyası hám eksperimental biologiyalıq izertlewler ilimiy laboratoriyası Islam rawajlanıw banki tárepinen alıp kelingen bolıp, bul jerde izleniwshiler óz izertlewleriniń ilimiy nátiyjelerin alıw imkaniyatı jaratılǵan.

Institut rektorı kafedra baslıqları hám juwapkerler menen bolıp ótken sáwbetlesiwler barısında laboratoriyalardıń jumısların bunnan bılay da jetilistiriw, ilimpazlar ushın qosımsha sharayatlardı jaratıw, laboratoriyalıq úskenelerdi standartlarǵa say tárizde ornatıw hám paydalanıw, izleniw nátiyjelerin ámeliyatqa keńnen engiziw, sonday-aq, jaslardıń qızıǵıwshılıqların qollap-quwatlaw boyınsha usınısların bildirip, juwapkerlerge tiyisli tapsırmalar berdi.

NMPI baspasóz xızmeti.