Ózbekstan Respublikası Qurallı Kúshleriniń dúzilgenine 33 jıl tolıwı bayramı hám 14-yanvar – Watan qorǵawshıları kúni múnásibeti menen búgin paytaxtımız Nókis qalasındaǵı «Hásiretli ana» esteliginde bayram ilajı bolıp ótti.

Ilajǵa Qaraqalpaqstan Respublikası Joqarǵı Keńesi hám Ministrler Keńesi, Arqa-batıs áskeriy okrugi, huqıq qorǵaw uyımları, joqarı oqıw orınları, miynet jámáátleri hám keń jámiyetshilik wákilleri qatnasıp, estelikke gúlsheńberler qoydı.

Ilajǵa Ájiniyaz atındaǵı Nókis mámleketlik pedagogikalıq institutı miynet jámááti hám student-jasları da qatnasıp, Watanımızdıń tınıshlıǵı hám paraxatshılıǵı, abadan turmısı ushın janın pidá etken azamatlarımızdıń ruwxına húrmet kórsetti.

NMPI baspasóz xızmeti.