Aldın xabar bergenimizdey, usı jıldıń 14-19-yanvar kúnleri aralıǵında Buxara qalasında «Universiada-2025» sport jarıslarınıń voleybol sport túri boyınsha respublikalıq final basqıshı bolıp ótpekte.

Jarısqa Qaraqalpaqstan Respublikası, Tashkent qalası hám barlıq wálayatlardıń saylandı komandaları qatnaspaqta.

Búgin, 17-yanvar kúni sport veteranı Azat Kazakov basshılıǵındaǵı Qaraqalpaqstan Respublikası qızlar saylandı komandası jarıstaǵı ekinshi oyının Ferǵana wálayatı komandasına qarsı ótkerdi hám eki partiyada 25:18 jáne 25:16 esabı menen jeńiske eristi.

Esletip ótemiz, respublikamız saylandı komandası Ájiniyaz atındaǵı Nókis mámleketlik pedagogikalıq institutı hám Berdaq atındaǵı Qaraqalpaq mámleketlik universitetiniń sheber sportshı studentlerinen quralǵan.

Komandamız aǵzalarına «Universiada-2025» sport jarıslarınıń respublikalıq final basqıshında áwmet hám jeńisler tileymiz!

NMPI baspasóz xızmeti.