Búgin, 30-yanvar kúni Ájiniyaz atındaǵı Nókis mámleketlik pedagogikalıq institutında «STYLING SCHOOL» – stilistika mektebiniń ashılıw máresimi bolıp ótti.

Institut rektoratı hám hayal-qızlar másláhát keńesiniń qollap-quwatlawı menen shólkemlestirilgen bul joybar instituttıń testologiya hám bilimlerdi bahalaw qánigeliginiń 1-kurs magistrantı, imidjmeyker Shaxsanem Kaljanova tárepinen tiykar salınǵan bolıp, institut student-qızlarına imidj-stilistika boyınsha dáslepki bilim hám kónlikpelerdi beriwdi maqset etken.

Ilajda institut rektorınıń hayal-qızlar máseleleri boyınsha másláhátshisi Sayyora Bekchanova sózge shıǵıp, elimizde hayal-qızlardıń jámiyetlik hám siyasiy belsendiligin arttırıw, olardıń oqıwı, bilim alıwı, kásip-óner úyreniwi ushın jaratılıp atırǵan imkaniyatlar tuwralı aytıp ótti.

Bunnan soń imidjmeyker Shaxsanem Kaljanova stilistika mektebiniń tiykarǵı wazıypası hám aldaǵı kurslar dawamında ótkeriletuǵın seminar-treningler haqqında maǵlıwmat berdi.

Esletip ótemiz, dáslepki oqıw kursına hár bir topardan óz imidjin ózgertiwdi qáleytuǵın hám moda álemine qızıǵatuǵın bir studentten alıw jobalastırılǵan bolıp, kursta oqıw bir ay dawamında biypul esaplanadı.

NMPI baspasóz xızmeti.