Búgin, 30-yanvar kúni Ózbekstan Respublikası Joqarı bilimlendiriw, ilim hám innovaciyalar ministrligi oraylıq apparatı hám joqarı oqıw orınlarınıń juwapker xızmetkerleri ushın 2024-jılda «Ijro.gov.uz» sistemasındaǵı qadaǵalaw tapsırmalarınıń orınlanıw nátiyjeliligi boyınsha seminar-trening bolıp ótti.

Seminar-treningde ministrliktiń juwapker qánigeleri dástúriy formatta, respublikalıq joqarı oqıw orınlarınıń, sonıń ishinde, Ájiniyaz atındaǵı Nókis mámleketlik pedagogikalıq institutınıń atqarıw tártibi boyınsha tiyisli juwapkerleri onlayn formatta qatnastı.

Ilajdı ministrdiń birinshi orınbasarı Shaxrux Daliev basqarıp bardı.

Seminar-treningde Ózbekstan Respublikası Ministrler Kabineti, Ádillik ministrligi, Bas prokuratura, ministrlik, sonday-aq, «Unicon Soft» jámiyetiniń qánigeleri 2024-jılda «Ijro.gov.uz» sistemasındaǵı tapsırmalardıń orınlanıwında jol qoyılǵan mashqala hám kemshilikler, nızamshılıq hújjetleri orınlanıwınıń tásirsheń sistemasın jaratıwda «Ijro.gov.uz» atqarıw tártibi mákemeler aralıq birden-bir elektron sistemasınıń ornı hám roli, sistemaǵa kirgizilip atırǵan ózgeris hám qosımshalar, Ózbekstan Respublikası Prezidenti hújjetlerindegi tapsırmalardıń óz waqtında orınlanıwın támiyinlew boyınsha shıǵıp sóyledi hám maǵlıwmatlar berdi.

Seminar-trening juwmaǵında soraw-juwaplar ótkerilip, qánigelerdiń pikir-usınısları tıńlandı.

NMPI baspasóz xızmeti.