Búgin, 5-fevral kúni Ájiniyaz atındaǵı Nókis mámleketlik pedagogikalıq institutı rektorı Quvondiq Qodirov instituttıń jańadan qurıp pitkerilgen 3-sanlı studentler turaq jayında bolıp, bul jerde ámelge asırılıp atırǵan sońǵı bezew jumısların kózden ótkerdi.

Paydalanıwǵa tapsırılıw qarsańında turǵan bes qabatlı usı studentler turaq jayı ulıwma 500 orınǵa mólsherlengen bolıp, bul jerde studentlerdiń oqıwdan tıs waqtın mazmunlı ótkeriwi, dem alıwı, qosımsha dógereklerge qatnasıp, bilim hám qábiletlerin arttırıp barıwı ushın barlıq sharayatlar jaratılǵan.

Institut rektorı hár bir qabatındaǵı xanalardı kózden ótkerip, qosımsha sharayatlar jaratıw, sońǵı bezew jumısların tez pursatlarda sapalı etip juwmaqlaw boyınsha juwapkerlerge tiyisli tapsırmalar berdi.

NMPI baspasóz xızmeti.