Ájiniyaz atındaǵı Nókis mámleketlik pedagogikalıq institutı Dene mádeniyatı fakultetiniń 2-kurs studenti Dinara Utemuratova «Jıl studenti» tańlawınıń respublikalıq basqıshında «Jıldıń eń belsendi sportshı studenti» nominaciyası boyınsha sıylı 3-orındı iyeledi hám diplom, statuetka jáne bazalıq esaplaw muǵdarınıń 8 esesi muǵdarında qarjılay sıylıqlandı.

Instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Qarjawbay Reymov Dinara Utemuratovanı erisken tabısları menen qutlıqlap, aldaǵı oqıw hám sport jarıslarında áwmet tiledi.

Maǵlıwmat ornında atap ótiw kerek, Dinara Utemuratova regbi-7 boyınsha Ózbekstan hám Qaraqalpaqstan saylandı komandalarınıń aǵzası bolıp, respublikalıq hám xalıqaralıq jarıslarda joqarı nátiyjelerdi qolǵa kirgizip kelmekte.

NMPI baspasóz xızmeti.