Ájiniyaz atındaǵı Nókis mámleketlik pedagogikalıq institutında Ózbekstan «Milliy tiklanish» demokratiyalıq partiyası Qaraqalpaqstan Respublikası Keńesi menen birgelikte student-jaslardıń bos waqıtların mazmunlı ótkeriw maqsetinde fakultetler arasında «Zakovat» intellektual oyını ótkerildi.

Intellektual oyınǵa hár bir fakultetten eki komandadan qatnastı hám onda student-jaslar ulıwma 20 soraw tiykarında ózleriniń bilimleri jáne logikalıq pikirlew dárejesin sınaqtan ótkerdi.

Oǵada qızǵın tárizde ótken oyın juwmaǵında ulıwma 15 upay toplaǵan Túrkiy tiller fakultetiniń «Marilyn» komandası 1-orındı, 14 upay menen Fizika-matematika fakultetiniń «Alfa» komandası 2-orın, 13 upay toplaǵan Tariyx fakultetiniń «Dominators» komandası sıylı 3-orındı iyeledi.

Jeńimpazlar hám sıylı orın iyeleri Ózbekstan «Milliy tiklanish» demokratiyalıq partiyası Qaraqalpaqstan Respublikası Keńesi tárepinen sıylıqlandı.

NMPI baspasóz xızmeti.