Xabarıńız bar, 2023-jıldan baslap Qaraqalpaqstan Respublikasında 25-fevral jámiyetlik baslama tiykarında «Júweri gúrtik kúni» sıpatında xalqımız arasında keń túrde belgilenip kelinbekte.

Hár jılı usı sánede xalqımız úlken awızbirshilik úlgisin kórsetip, tek ǵana shańaraqlarda dasturqan átirapında emes, sonıń menen birge, miynet jámáátleri, oqıw orınları, kafe hám restoranlarda da joqarı kóterińkilik penen ótkerilmekte.

Álbette, bunday baslamalar ata-babalarımızdan miyras bolıp kiyatırǵan dástúrlerdi keleshek áwladlarǵa jetkeriwde ayrıqsha áhmiyetke iye bolmaqta.

Sáne múnásibeti menen Ájiniyaz atındaǵı Nókis mámleketlik pedagogikalıq institutında da birqatar mádeniy ilajlar shólkemlestirilmekte. Bular haqqında kelesi materiallarımızda sóz etemiz.

Búgingi bayram hámmege qutlı bolsın!

NMPI baspasóz xızmeti.