Ájiniyaz atındaǵı Nókis mámleketlik pedagogikalıq institutında student-jaslardıń bos waqıtların mazmunlı ótkeriw, olar arasında salamat turmıs tárizin úgit-násiyatlaw hám «Bes baslama olimpiadası», «Studentler ligası», «Universiada» sıyaqlı sport jarıslarına rezerv sportshılardı anıqlaw jáne jaslardı xoshametlew maqsetinde institut sport klubı tárepinen sport jarısları ótkerilmekte.

Mini futbol boyınsha fakultetler arasında bolıp ótken jarısqa barlıq fakultetlerdiń er studentlerinen dúzilgen komandalar qatnastı.

Qızǵın ruwxta ótken jarıs juwmaǵında:

1-orındı – Túrkiy tiller fakulteti;
2-orındı – Tábiyiy pánler fakulteti;
3-orındı – Fizika-matematika fakultetiniń komandaları iyeledi.

Jeńimpazlar hám sıylı orın iyeleri institut sport klubı tárepinen diplom, medal jáne sawǵalar menen sıylıqlandı.

Institutta sport jarısları dawam etpekte.

NMPI baspasóz xızmeti.