Kafedra baslıǵı:	Professor Niyazov Asqarbay Tolıbaevich
	e-mail:	+998936117007
	tel.:	niazovaskar30@gmail.com

Kafedra tariyxı:

     Ájinyaz atındaǵı Nókis mámleketlik pedagogikalıq institutı Keńesiniń 2022-jıl 30-oktyabrdegi 3-sanlı bayanlaması menen tastıyıqlanǵan Instituttıń strukturası hám Dene mádeniyatı fakulteti dekanı A.Utepbergenov usınısına tiykarlanıp 06 -aprel 2023-jıl №77 D1-sanlı buyrıǵı menen Dene mádeniyatı fakulteti quramında «Dene tárbiyası» kafedrası negizinde «Sport pánleri» kafedrası shólkemlestirildi hám «Sport pánleri» kafedrası baslıǵı lawazımı professor A. Niyazovqa júkletildi

Professor-oqıtıwshılar quramı:

     «Sport pánleri» kafedrası quramında házirgi kúnde 20 professor oqıtıwshı jumıs alıp barıp olardan 2 professor 2 docent  8 úlken oqıtıwshı hám 8 assistent oqıtıwshılar talabalarǵa tıyanaqlı bilim berip kelmekte. Sport pánleri kafedrası shólkemlestirilgennen baslap qısqa waqıt aralıǵında professor-oqıtıwshılar tárepinen: 1 sabaqlıq, 4 oqıw qollanba 30 dan aslam JAK tárepinen tastıyıqlınǵan dizimge kiretuǵın jurnallarda ilimiy maqalalar baspadan shıqtı, sonıń ishinde 5 maqala Scopus bazasına kiretuǵın jurnallarda shıǵarılǵan.

 Sport pánleri kafedrasındaǵı sport dógerekler:

     “Sport pánleri” kafedrası janında 2023-2024-oqıw jılında sport dógerekleri shólkemlestirilgen. «Voleybol», «Qol tobı», «Futbol», «Basketbol» – bul sport dógereklerine kafedra professor oqıtıwshıları basshılıq etip, házirgi kúnde dógerek aǵzaları sport túrleri boyınsha «Universiyada» sport jarısları hám Ózbekstan kóleminde ótkerilip atırǵan sport jarıslarına belsene qatnasıp joqarı orınlardı iyelep kelmekte.