Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni bayramı múnásibeti menen hayal-qızlardan ibarat professor-oqıtıwshılar arasında voleybol boyınsha institut birinshiligi bolıp ótti.

Jarısqa instituttıń barlıq fakultetleri, sırtqı bilimlendiriw bólimi professor-oqıtıwshılarınan dúzilgen komandalar qatnastı.

Hayal-qızlar arasında sport hám salamatlıq ilajların úgit-násiyatlaw, olardıń bos waqıtların mazmunlı ótkeriw hám bayram qarsańında xoshametlew maqsetinde ótkerilgen jarıs oǵada qızǵın tárizde dawam etti.

Solay etip, jarıs juwmaǵında:

1-orındı – Dene mádeniyatı fakulteti;
2-orındı – Sırtqı bilimlendiriw bólimi;
3-orındı – Shet tilleri fakulteti komandası iyeledi.

Jarıs jeńimpazları hám sıylı orın iyeleri institut sport klubı tárepinen tayarlanǵan bayram sawǵaları menen sıylıqlandı.

Institutta bayramǵa arnalǵan ilajlar dawam etpekte.

NMPI baspasóz xızmeti.