Búgin, 6-mart kúni Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúnine arnalǵan bayram keshesi bolıp ótti.

Ilajda institut rektorı Quvondiq Qodirov sózge shıǵıp, jańalanıw hám jasarıw dárekshisi báhár áyyamı búgingidey gózzallıq bayramı menen baslanıp atırǵanın ayrıqsha atap ótip, jıynalǵanlardı Xalıqaralıq hayal-qızlar kúni menen qutlıqladı.

Sońǵı jıllarda elimizde hayal-qızlardıń huqıq hám máplerin támiyinlew, olardıń mámleketlik hám jámiyetlik basqarıwda, shańaraqtaǵı ornı hám rolin arttırıw, oqıwı, bilim alıwı, ilimiy-izertlew, sonday-aq, isbilermenlik penen shuǵıllanıwı ushın mámleketimiz tárepinen jaratıp berilip atırǵan imkaniyatlar haqqında aytıp ótti.

Bayram keshesinde Ózbekstan Respublikası Prezidenti hám ataqlı mámleketlik stipendiyalar jáne Ájiniyaz Qosıbay ulı atındaǵı stipendiya tańlawlarınıń jeńimpazlarına diplom hám statuetkalar, sonıń menen birge, oqıwda, jámiyetlik jumıslarda belsene qatnasıp kiyatırǵan bir topar studentler hám magistrantlarǵa húrmet jarlıqları tapsırıldı.

Keshe instituttıń «Tumaris» xalıq ansambli hám talantlı studentleriniń atqarıwındaǵı koncert baǵdarlaması menen dawam etti.

NMPI baspasóz xızmeti.