Ájiniyaz atındaǵı Nókis mámleketlik pedagogikalıq institutı 1-sanlı studentler turaq jayında 8-mart – Xalıqaralıq hayal-qızlar kúni bayramı múnásibeti menen student-qızlar arasında «Kók somsa» aspazlıq tańlawı bolıp ótti.

Tańlawda Surxandárya, Nawayı, Xorezm wálayatları hám Qaraqalpaqstan Respublikasınıń túrli rayonlarınan bolǵan qatnasıwshılar báhár taǵamı – kók somsa tayarlaw boyınsha ózleriniń aspazlıq sheberliklerin kórsetiwge háreket etti.

Tańlawda qatnasıwshılardıń tayarlaǵan taǵamları Nókis qalası hákiminiń orınbasarı – Shańaraq hám hayal-qızlar bóliminiń baslıǵı Dilyafruz Qutlımuratova, institut rektorınıń hayal-qızlar máseleleri boyınsha másláhátshisi Sayyora Bekchanova hám institut átirapındaǵı mákan puqaralar jıyınlarınıń hayal-qızlar belsendileri tárepinen bahalandı.

Barlıq qatnasıwshılarǵa diplomlar hám kásiplik awqamı komiteti tárepinen tayarlanǵan bayram sawǵaları tapsırıldı.

NMPI baspasóz xızmeti.