Ájiniyaz atındaǵı Nókis mámleketlik pedagogikalıq institutında QS Quacquarelli Symonds reytingi boyınsha dúnyanıń eń jaqsı universitetleriniń «TOP-1000»lıq dizimine kiretuǵın Malayziyanıń Sultan Idris bilimlendiriw universiteti (UPSI) menen birgelikte onlayn vebinar shólkemlestirildi.

Ilajǵa Sultan Idris bilimlendiriw universitetiniń prorektorı, professor Ridzvan Che Rus hám professorlar Xazaila Binti Zaini, Puteri Zarina Megat Xalid, sonday-aq, doktor Sabariah Sulayman, instituttıń ilimiy isler hám innovaciyalar boyınsha prorektorı wazıypasın waqıtsha atqarıwshısı P.Kalxanov, kafedralardıń baslıqları, 30 dan aslam professor-oqıtıwshılar qatnastı.

«SCOPUS-Indexed Journal Writing: Game-Changing Hacks» temasında onlayn formatta ótkerilgen vebinarda malaziyalı professorlar «SCOPUS» bazasına kiretuǵın jurnallar, sonday-aq, Q1, Q2, Q3, Q4 hám basqa da jurnallarda ilimiy maqalalardı járiyalaw boyınsha qatnasıwshılarǵa zárúr bilim hám kónlikpeler berdi.

Esletip ótemiz, Malayziyanıń Sultan Idris bilimlendiriw universiteti hám Ájiniyaz atındaǵı Nókis mámleketlik pedagogikalıq institutı arasında usı jıldıń fevral ayında bolıp ótken «Ózbekstan-Malayziya I bilimlendiriw forumı» sheńberinde birge islesiw memorandumı dúzilgen edi. Onlayn vebinar usı memorandum tiykarında shólkemlestirildi.

NMPI baspasóz xızmeti.