Aldın xabar bergenimizdey, Ájiniyaz atındaǵı Nókis mámleketlik pedagogikalıq institutı akademiyalıq liceyiniń qábiletli hám bilimli oqıwshı-jaslarınan quralǵan «Qaratal» komandası «Siz ekologiyaǵa baylanıslı nızamlardı bilesiz be?» tańlawınıń Qaraqalpaqstan Respublikası basqıshında 1-orındı iyelep, respublikalıq basqıshqa jollama alǵan edi.

Ózbekstan Respublikası Ekologiya, qorshaǵan ortalıqtı qorǵaw hám klimat ózgeriwi ministrligi, Joqarı bilimlendiriw, ilim hám innovaciyalar ministrligi, Mektepke shekemgi hám mektep bilimlendiriwi ministrligi, sonday-aq, Ózbekstan Respublikası Bas prokuraturası tárepinen shólkemlestirilgen tańlawdıń respublikalıq final basqıshı Xorezm wálayatınıń Úrgenish qalasında bolıp ótti.

Tańlawǵa Ózbekstan Respublikasınıń barlıq aymaqlarında jeńimpaz bolǵan ulıwma 14 komanda qatnastı.

Solay etip, tańlaw juwmaǵında Ájiniyaz atındaǵı Nókis mámleketlik pedagogikalıq institutı akademiyalıq liceyiniń «Qaratal» komandası 4-orındı iyelep, «Eń ziyrek komanda» nominaciyası boyınsha jeńimpaz dep tabıldı.

Liceyimiz oqıwshıları hám olardıń ustazların respublikalıq tańlawdaǵı tabısları menen qutlıqlaymız!

NMPI baspasóz xızmeti.