Ájiniyaz atındaǵı Nókis mámleketlik pedagogikalıq institutı rektorınıń buyrıǵı tiykarında Asamaddinov Ergash Allambergenovich Ellikqala pedagogika fakultetiniń dekanı etip tayınlandı.

Búgin, 22-mart kúni fakultette bolıp ótken jıynalısta jańadan tayınlanǵan dekan jámáátke tanıstırıldı.

Ilajǵa Ellikqala rayonı hákimi Valijon Niyazımbetov, institut rektorı Quvondiq Qodirov, jasıúlken professor-oqıtıwshılar, fakultet jámááti qatnastı.

Jıynalısta elimizde sońǵı jıllarda jaslardıń joqarı bilim alıwı hám kásip-óner sırların meńgeriwi, qábiletlerin júzege shıǵarıwı ushın jaratılıp atırǵan sharayatlar haqqında aytıp ótip, keleshek áwladtıń tálim-tárbiyasında professor-oqıtıwshılar hám pidayı qánigelerdiń aldaǵı jumıslarında tabıslar tiledi.

Maǵlıwmat ornında atap ótiw kerek, Asamaddinov Ergash Allambergenovich tayınlawǵa shekem instituttıń bilimlendiriw sapasın qadaǵalaw bóliminiń baslıǵı lawazımında jumıs islegen.

NMPI baspasóz xızmeti.