Búgin, 25-mart kúni Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidenti tárepinen jaslardıń innovaciyalıq ideyaların qollap-quwatlaw boyınsha belgilengen wazıypalardıń orınlanıwın támiyinlew, sonday-aq, ilim hám texnologiyalardı rawajlandırıw maqsetinde «Eń jaqsı injener», «Eń jaqsı texnolog», «Eń jaqsı oylap tabıwshı», «Eń jaqsı IT joybar» baǵdarları boyınsha tańlawlarǵa start berildi.

Bul tańlawlarǵa institutta oqıp atırǵan ziyrek studentler hám jas ilimpazlar qatnaspaqta.

Tańlawlardı ótkeriwden tiykarǵı maqset – qábiletli, innovator jaslardı anıqlaw, olardıń innovaciyalıq ideyaların rawajlandırıw hám respublikamızdıń ilimiy-texnikalıq bazalarına usınıw jáne qollap-quwatlawdan ibarat.

Hár bir baǵdar boyınsha 1-, 2-, 3-orınlardı iyelegen studentler tómendegi muǵdarlarda materiallıq jaqtan xoshametlenedi:

1-orın – bazalıq stipendiya muǵdarınıń 3 esesi;
2-orın – bazalıq stipendiya muǵdarınıń 2 esesi;
3-orın – bazalıq stipendiya muǵdarınıń 1 esesi.

Tańlaw juwmaqları boyınsha qosımsha maǵlıwmat beriledi.

NMPI baspasóz xızmeti.