Ájiniyaz atındaǵı Nókis mámleketlik pedagogikalıq institutı 1-sanlı studentler turaq jayında «Milliy qádiriyatlar aylıǵı» sheńberinde Túrkiy tiller fakulteti tyutorı X.Xudaybergenova basshılıǵında milliy úrp-ádetlerdi jaslar arasında úgit-násiyatlawǵa arnalǵan bayram keshesi shólkemlestirildi.

Jaslar arasında milliy qádiriyatlarımızǵa bolǵan húrmet hám itibardı kúsheytiw, olardıń ruwxıy qunlılıǵın ańlaw hám keleshek áwladlarǵa jetkerip beriw maqsetinde ótkerilgen keshede fakultettiń qaraqalpaq tili hám ádebiyatı tálim baǵdarınıń 1-kurs studentleri qatnastı.

Bayram ilajında studentler ata-babalarımızdan miyras bolıp kiyatırǵan qádiriyatlar, milliy úrp-ádetler hám dástúrler – qız-jigitler aytısı, háwjar, kelin sálemlerdi saxnalastırıp, milliy ayaq-oyınlar oynadı hám qosıqlar atqardı.

Sonıń menen birge, keshe dawamında studentler hár qıylı milliy taǵamlardı tayarlap, ózleriniń aspazlıq sheberliklerin kórsetti.

NMPI baspasóz xızmeti.