Ájiniyaz atındaǵı Nókis mámleketlik pedagogikalıq institutında student-jaslardı sport hám salamatlastırıw ilajlarına keńnen tartıw, olar arasında sporttı ǵalabalastırıw boyınsha ámelge asırılıp atırǵan jumıslarǵa arnalǵan baspasóz konferenciyası bolıp ótti.

Ilajǵa institut rektorı Quvondiq Qodirov, barlıq prorektorlar, fakultetlerdiń dekanları, sport klubınıń juwapker qánigeleri, sonday-aq, respublikalıq hám jergilikli ǵalaba xabar qurallarınıń wákilleri, jurnalistler jáne jámiyetlik pikir aldınǵıları qatnastı.

Dáslep ilaj qatnasıwshıları institutta saltanatlı túrde paydalanıwǵa tapsırılıp atırǵan sport kompleksi hám úlken sport maydanında bolıp, bul jerde jaslardıń turaqlı túrde sport penen shuǵıllanıwı ushın jaratılǵan sharayatlar menen tanıstı.

Bul obyektlerde institut rektorı hám tiyisli juwapkerler ilaj qatnasıwshılarına tolıq maǵlıwmatlar berdi.

Bunnan soń ǵalaba xabar quralları wákilleri tiyisli juwapkerler menen sáwbetlesiw alıp barıp, qızıqtırǵan sorawlarına juwap aldı.

NMPI baspasóz xızmeti.