Ellikqala rayonı hákimi Valijon Niyazımbetov «Hákim hám jaslar» ushırasıwı sheńberinde rayonnıń belsendi jasları menen ushırastı.

Ilajda bilimlendiriw, isbilermenlik hám zamanagóy kásipler boyınsha áhmiyetli máseleler dodalandı.

Ushırasıwǵa Ájiniyaz atındaǵı Nókis mámleketlik pedagogikalıq institutı Ellikqala pedagogika fakultetiniń student-jasları da qatnasıp, rayon hákimine óz usınısların bildirdi.

Atap aytqanda, jaslar startap joybarların jolǵa qoyıw, zamanagóy oqıw orayın shólkemlestiriw boyınsha ideyaların ámelge asırıw ushın rayon hákiminen ámeliy járdem soradı.

Hákim jaslardıń baslamaların qollap-quwatlaytuǵınlıǵın atap ótip, olardıń ideyaların ámeliyatqa engiziw ushın tiyisli járdem beriletuǵınlıǵın málim etti.

Ushırasıw sońında belsene qatnasqan jaslar qatarında fakultet student-jasları da rayon hákimligi tárepinen xoshametlendi.