Usı jıldıń 6-aprel kúni belgili ilimpaz hám pidayı ustaz, Ájiniyaz atındaǵı Nókis mámleketlik pedagogikalıq institutı zoologiya, adam morfofiziologiyası hám onı oqıtıw metodikası kafedrasınıń docenti, elimizde zoologiya iliminiń rawajlanıwına múnásip úles qosqan alım, biologiya ilimleriniń kandidatı Jumabay Saparbaev biymezgil dúnyadan kóz jumdı.

Jumabay Saparbaev 1992-jıldan baslap búgingi kúnge shekem – 33 jıl dawamında mámleketimizdiń ilim hám bilimlendiriw tarawında kadrlar tayarlawda óziniń ayrıqsha xızmetleri menen júdá úlken úles qostı.

Órnekli shańaraq basshısı, úlgili áke, perzentlerin, shákirtlerin Watanǵa sadıq insanlar etip tárbiyalaǵan ádiwli ustaz, institutımız docenti Jumabay Saparbaevtıń jarqın esteligi mudamı biziń yadımızda saqlanıp qaladı.

Ustazdıń shańaraq aǵzalarına, jaqınlarına, barlıq shákirtlerine tereń qayǵırıw menen kewil bildiremiz.

Ájiniyaz atındaǵı Nókis mámleketlik pedagogikalıq institutı rektoratı, jámiyetlik shólkemleri hám Tábiyiy pánler fakulteti jámááti.