Ájiniyaz atındaǵı Nókis mámleketlik pedagogikalıq institutı kásiplik awqamı komiteti tárepinen Jaslar awqamı baslanǵısh shólkemi hám studentler keńesiniń aǵzaları, belsendi jaslar ushın tariyxıy Buxara qalasına sayaxat shólkemlestirildi.

Institut rektoratı hám kásiplik awqamı komiteti arasında dúzilgen jámáátlik shártnama bántleriniń orınlanıwın támiyinlew, ishki turizmdi rawajlandırıw, sonday-aq, jaslardıń mádeniy demalısın nátiyjeli shólkemlestiriw maqsetinde ótkerilgen sayaxat dawamında student-jaslar tariyxıy-arxitekturalıq estelikler, ziyaratlar orınları menen tanıstı.

Sayaxat qatnasıwshılarda úlken tásirler qaldırdı.