Ózbekstan «Milliy tiklanish» demokratiyalıq partiyasınan Ózbekstan Respublikası Oliy Majlisi Nızamshılıq palatası janındaǵı «Jaslar parlamenti»niń aǵzalıǵına saylawdıń Qaraqalpaqstan Respublikası basqıshı bolıp ótti.

Partiyanıń Qaraqalpaqstan Respublikası Keńesinde dúzilgen komissiya quramı tárepinen saylaw Rejesine muwapıq talabanlardıń sawatlılıq dárejesi, siyasiy partiya jumıslarındaǵı qatnası, maqsetleri, saylaw aldı baǵdarlaması, sonday-aq, nızamshılıq boyınsha bilim hám kónlikpeleri bahalandı.

Áhmiyetlisi, talabanlar arasınan Ájiniyaz atındaǵı Nókis mámleketlik pedagogikalıq institutı Shet tilleri fakulteti inglis tili hám ádebiyatı tálim baǵdarınıń 4-kurs studenti Gúlayım Erjanbaeva Ózbekstan Respublikası Oliy Majlisi Nızamshılıq palatası janındaǵı «Jaslar parlamenti»niń aǵzalıǵına saylandı hám onıń hújjetleri Respublikalıq komissiyaǵa usınıldı.

Óz aldına joqarı maqsetlerdi belgilep, olarǵa erisiw jolında tınımsız háreket etip kiyatırǵan institutımız studenti Gúlayım Erjanbaevanıń aldaǵı oqıwı hám jumıslarında tabıslar tileymiz!

NMPI baspasóz xızmeti.