Qazaqstan Respublikası Xoja Axmed Yassawiy atındaǵı Xalıqaralıq qazaq-túrk universitetinde «Qazaq tili – ilim tili: jasalma intellekt hám terminologiya» atamasındaǵı II xalıqaralıq simpozium bolıp ótti.

Simpoziumǵa Ájiniyaz atındaǵı Nókis mámleketlik pedagogikalıq institutı Túrkiy tiller fakulteti qazaq tili hám ádebiyatı kafedrasınıń professorı, filologiya ilimleriniń doktorı Turǵanbay Kerwenov qatnasıp, «Maqtımqulı hám Abay dóretiwshiligindegi uqsaslıqlar hám ózgeshelikler» atamasında bayanat jasadı.

Sonday-aq, institutımız professorı simpozium sheńberinde universitet studentlerine lekciya sabaǵın ótti.