Ájiniyaz atındaǵı Nókis mámleketlik pedagogikalıq institutı málimleme-resurs orayında Respublikalıq «Kitapqumarlıq hápteligi» sheńberinde jádidshilik háreketiniń wákilleri bolǵan ziyalı ata-babalarımızdıń ómiri hám dóretiwshiligi haqqında student-jaslarǵa maǵlıwmatlar berildi.

Ilajdı oray direktorı Gúlayım Jiyemuratova basqarıp bardı.

Oraydıń málimleme-kitapxana resursların tolıqtırıw, kataloglastırıw hám sistemalastırıw bólimi tárepinen shólkemlestirilgen ilajda ózbek ádebiyatı kafedrasınıń oqıtıwshısı Maxsud Ergashev, Ózbekstan hám Qaraqalpaqstan Jazıwshılar awqamınıń aǵzası, instituttıń qaraqalpaq ádebiyatı kafedrasınıń tayanısh doktorantı Allayar Dármenovlar jádidshilik háreketiniń júzege keliwi, ziyalı ata-babalarımızdıń dóretiwshilik miyrasları, ómir jolı haqqında bayanatlar jasadı.

Ilaj Shet tilleri, Túrkiy tiller hám Pedagogika fakultetleriniń talantlı studentleri atqarıwındaǵı kórkem-ádebiy bólim menen dawam etti.

Keshe juwmaǵında oraydıń bólim baslıǵı Baxıtgúl Tóreeva belsene qatnasqanlarǵa minnetdarshılıq bildirdi. Olarǵa húrmet jarlıqları hám sawǵalar tapsırıldı.

NMPI baspasóz xızmeti.